شعر بالعاميه المصريه
رباعيات الشاعر المصرى –احمد الهمامى
أنا ذنـبي إيه في الاسم اللي اتجــبرت عليـه
ده لا كـــــان بخــــاطري ولا ليـا أي يــد فيه
أبويا وأمـــي سمــــوني وسموني ورمـوني
وبقيت عليل ودائي اسمي اللي مربـوط بيه
وآه
* * *
واكون أنـا في الكــــــــــون دا كـــله قد إيـه
فسفوسه ولا نقطه ولا مش محسوب علـيه
عارف حــدودي وحجمي بس مش عـــارف
اقتل في قلــــبي الحلم اللي ياما حلــمت بيه
وآه
* * *
أنا تــــــاكسي وكل يوم بلف ألقط زبــــوني
وفي كل شارع تلاقيني وتعرفني من لـوني
أبيـــــــض على اسود كده الكلام مــضـبوط
أبيض وبس هيبقى غالي واوعوا تلوموني
وآه
* * *
غمض عينيك يا كفيـف مـــا هــــي هي
وتعالى لك دور معانا في المســــــرحيه
هتقوم بدور أعمى لكن سامع وعــارف
كل بلوى من بـــلاوي أسيــــاد الــوسيه
وآه
* * *
ولو شفــــــت في الدنيا كل الـعذاب
وحـــطوا ما بيني وما بينها حـجاب
هفضـــل أحــاول وعمري ماهيئس
يمـــكن بالــتحدي يتفتح لي أي باب
وآه
* * *
افتـــــــــح شــــــــبابيكــــك يا قلبـي عــــالآخر
وخــــــــــــــــــــلي الحــزن حــــبه عنـــا يتاخر
وارميـه بإيديك ع الأرض ودوس عليه برجلك
ماتــــقولش عيـــب ولا حرام ده الصبر له آخر
وآه
* * *
قــــــــالوا الحيــاه مليانه بالممـكنات
وفيـــها ابن آدم يقدر يحقق معجزات
أنا قـــــــــــلت طــــــــب إزاي يا خلق
هو ابن آدم فــــــاضي غــير للملذات
وآه
* * *
ارقـص يا قلبي واتحزم وهيَّص
وغـــــني ودندن وإياك تفــــيَّص
حلـــــــمك حبيبك شتايفه بعنيـك
ومـــعدتش هقولك تأنى وتــريَّث
وآه
* * *
اركـــــــــب حصــــانك يا غضنفر ولــف
طوف البلاد وعالمجرمين شبشب وتف
لا تـــــــقول حــرام ولا تصدق دموعـهم
دول طــمــعانين يقتلونا لما قــوتنا تخف
وآه
* * *
عالـبحر قعد العجوز يسترجع ذكريـاته
ويقـول ويحكي عاللي لحقه واللي فاته
وكأنـــه كان حاسس إنه هيفارق دنيته
5 دقـــايق وخلـص الكلام كله بممــاته
وآه
* * *
شـــــــــوط الكوره قبل ما غـيرك يــشوطها
ده هـــي فـــوره وعشان تفوز جمع نقاطها
خليـــــــــــــــــك لَعِّيــــــــب بالأحــــرى ديب
وإياك تسيب الفرصه يوم حتى في ممـاتها
وآه
* * *
7 صنــــــــــايع والبــــــــــــــخت زي الــفل
وصــــــاحبه ضــــايع ومالوش أمل ولا حل
رحت وسألت عليهم اللي عارفهم رد قــال:
واحـــــد بيتــــعب بجد وواحد متكل ع الكــل
وآه
* * *
الدنـــــــــيا سوق والفلوس فيـــه هي اللي متحكــمه
بــــــــــــتعلي ده وتـــــرخــــص في ده وكـأنها معلمه
قــــــــــــاعده على مسرح وبتجذب زبونهـــا بالمغنى
وبالقانون والرق والطبله وبالرقاصه اللي متـحزمه
وآه
* * *
الــــعب فـرود دخل جـون
تملك قلـــب ولاد فرعون
تبقى بطلهم وتاخد مالـهم
وإن جليت يدوك بالهـون
وآه
* * *
لا تلـــــــوم علـــى ده يا قلــبي ولا على ده تلـوم
إنــــــت اللــي بإرادتك وبرضاك شيلت الهــموم
لا حد غصبك ولا جار عليك وانــــت اللي رحـت
نزلــــت في وسط البحر وانت مابتعرفش تعـوم
وآه
* * *
أنا كانلي ابن وكان مليان بالشقاوه
وكل يوم عن يوم كان بيزيد غلاوه
بس هعمل إيه في المـــوت يا ناس
اللي بينقي الحلوين م النـاس نقاوه
وآه
* * *
فى يوم شم النسيم
وســــــــــط الجنازه والصـــويت والصـريخ
والـــــجمـــع اللي رايح يــدفن في الضريح
اتـــــــهز النعش فجــــــأه وظهرت المفاجأه
وأتاري اللي توفى نفسه في رنجه وفسيخ
وآه
إزاي وانـــــــــا اللــي لفيـــت وطـوفت
وشُفــــــــــــت مــن ده ومن ده شُـــفت
أنا ابــن ليل أصلاً ومش هكــون بكدب
لو قلـت إني بصراحه من هواه خوفت
وآه
* * *
شـــــــوكه وسكينه وأصناف طعام من كــل نـوع
لحوم فراخ سلطات وفاكهه يسدوا بطن الـــجوع
أنا كـــــــــــــلت كـــــتل ده بس بجــــد ماشبـعتش
وأتاري اللـــي اتـــربى ع الفول م الدلـع ممـنوع
وآه
* * *
علقتك يا قلـــبي وسبتك في الهـوي تطوَّح
وكـل يــــــوم أشقر عليك وأمسـي وأروَّح
عــــــــــــــــدت ســـــنه وما فيــــــش جديد
غير إني حسيتك اليوم في الغرام متسوَّح
وآه
* * *
ظـــــــــهر الشيـــــطان ع الأرض في هيئة مــلاك
وبقى يمــشي بين الناس في عزه ويحذر م الهلاك
لكــــــن محدش خد باله وعرف حقيقته غيري أنا
أنــــــا أصلي من صغـري براقبه من ورا الشباك
وآه
* * *
مــــــــرغم وماشي في الطــريق بالجــــبر
مــــن غير إراده ولا اختــيار ولا فيا صـبر
لــــــــــــكن برغـــم قـولي همشي وهــكمل
جايـــــــز في النهايه ألقى النعيم في القــبر
وآه
الثلاثاء فبراير 12, 2013 8:13 am من طرف زوزو النبوي
موضوع: رد: شعر بالعاميه المصريه 
