احلى كلام
اهلا بكم فى منتدى احلى كلام ونتمنى لكم دوام السعادة

احلى كلام

إن احببت شخص فاسأله متى موعد الخيانة  
الرئيسيةاليوميةس .و .جبحـثقائمة الاعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
شخصيتك عاشور شوية كلام احمد اجمل اغنية بلال الله احلى الهندية رانى اختراع love بنات اليوم فيلم تامر أحلى واخترتك اعرف احدث شاروخان اطفال للكبار الحب
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
المواضيع الأخيرة
» قصـــــــــــه
الثلاثاء فبراير 12, 2013 8:13 am من طرف زوزو النبوي

» صور غرف نوم
الثلاثاء أكتوبر 09, 2012 4:22 am من طرف البحرالليبي

» اغنيه محمد علاء وتامر عاشور كل واحد جامده جداااااااااااااا
الإثنين يوليو 30, 2012 7:48 am من طرف hasnaa

» هل تقبلي ان تحضري زواج حبيبك
الإثنين يوليو 30, 2012 1:16 am من طرف hasnaa

» اتعلمين كيف تكونين فتاه في قمة الجاذبية
الأحد يوليو 29, 2012 5:32 am من طرف hasnaa

» ما اصعب ان تكلم الحبيب بعد الفراق
الأحد يوليو 29, 2012 5:30 am من طرف hasnaa

» لعبة اعرف حظك فى حبك
الأحد يوليو 29, 2012 5:28 am من طرف hasnaa

» لماذا تبكي المراة بسهولة
الأحد يوليو 29, 2012 5:26 am من طرف hasnaa

» فيلم الاكشن الهندى الدرامى Aetbaar 2004 DvdRiP
الجمعة مارس 16, 2012 8:52 am من طرف w3100

» اسرار اية الكرسي
الأربعاء فبراير 29, 2012 8:47 pm من طرف البرنسيسة @

أفضل 10 أعضاء في هذا المنتدى
A7medtoti
 
A H M E D
 
no2tet de3f
 
bsbs caty
 
el hop kolo
 
bosy
 
meto
 
i love you
 
hasnaa
 
غزلان
 
احصائيات
هذا المنتدى يتوفر على 63 عُضو.
آخر عُضو مُسجل هو zakaria chebira lartist فمرحباً به.

أعضاؤنا قدموا 5126 مساهمة في هذا المنتدى في 454 موضوع
شاطر | 
 

 ازاي بيتك يبقى نظيف من غير تعب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: ازاي بيتك يبقى نظيف من غير تعب    الخميس يوليو 01, 2010 10:27 am

أنا موش باحرضك على الكسل أو الأهمال لاسمح الله.
بس أنا عايزه اساعدك بجد.
أنا عايزه أكد على نقطة مهمه جدا
لما نعمل اى حاجه أول بأول فعلا
بيسهل علينا حاجات كتير أوى .
أنا موش عايزه أرغى كتير
ونبدأ فى المهم
ليه بنرتبك لما يجى لنا ضيوف
أو نقرب على موسم معين رمضان عيد عزومه

كى لا يحدث ذلك



علينا بالاتى:





-خلينا نبدأ بأهم جزء فى المنزل ألا وهو
الحمااااااااااااااااااام
فى بيوت كتير يحصل فيها حالة
طوارىء لو ضيف استأذن علشان
يدخل الحمام تلاقى اللى جرى يميين
واللا جرى شمال كل ده علشان احنا
ماعندناش اسلوب ثابت لحياتنا .


أولا



ياريت نبدأمع بعض كل واحده تدخل حمامها وتسأل نفسها سؤال هل ممكن
حد غريب فى هذه اللحظه يدخل
الحمام وماكونش محرجه
سواء من عد النظافه
او من الأشياء الموضوعه فى الحمام
على أساس أنه جزء مهمل فى البيت
ماعلينا خالينا نبدأ بالحل


النهارده



برنامج اليوم الحمام فقط كل سم فيه

لازم يكون زى الفل
أنا عايزه أأكد على شىء مهم
بلاش نربط بين النظافه والفخامه
يعنى ممكن بأقل الأمكانيات
اخلى المكان اللى انا عايشه فى جنه.




بعد مانظفنا الحمام ياريت الحاجات
اللى انا شيلتها وأنا بأنظف
بلاش أرجعها تانى الحمام بلاش الشماعه اللى وراء الباب المنظر موش حلو
حتى للناس اللى عايشين فى البيت
باسكت الغسيل ياريت يكون شكله حلو ويوضع فى مكان لايراه
اى شخص غريب .
بلاش فوطه واحده البيت كله
يستخدمها ونحطها على الحبل تنشف
ونرجع نستخدمها تانى
كل فرد من أفراد البيت له فوطه مستقله
وكل يوم أغير الفوط
كل فرد يكون له ليفه لواحده
وممكن توضع بشكل جميل يسمح بتهويتها
علشان البكتيريا وكل فتره تتغير.






نظفنا الحمام وشيلنا الكراكيب
وأوعى تنسى شباك الحمام ياجماعة
الشبك أهم حاجه ده من بره عنوان
بيتك ومن جوه يمنع دخول الاتربه
الموجوده عليها مع اى شوية هواء
الى المكان مره أخرى.
اوعوا تكونوا تعتبتوا ده احنا لسه
يادوبك فى الحمام ولم ننتهى بعد
ياريت الشغلانه دى تعمليها كل


شهر


ماتستغربيش لان كل يوم الحمام ده
أساسى كل يوووووووووووووم
شوفى الوقت اللى يناسبك الحوض والبانيو والتواليت لازم يتغسلوا كويس
وتخصصى لهم سفنجه معينه وزى ماأنتى عايزه
استعملى اى مواد تنظيف المهم كل يوم .




استنى رايحه فين أنا لسه ماخلصتش
لازم يكون فى الحمام زجاجه زى
بتاعى الجلانس حطى فيها شوية كلور وشويه ديتول وشوية ميه
بنسب متساويه
وكل ماتدخلى الحمام وتلاقى حد
استخدم الحمام




ترشى قاعدة التوليت والجزء اللى تحت القاعده
بهذا المحلول وتنشفيها هتفضل ريحة حمامك
طول النهار زى الفل .
لازم يكون فوق الكومبينيشن فوطه
صغيره وكل أفراد الأسرة يتعودا
ان ماينفعش يستعمل الحمام ويكون على القاعده نقط بول
(سورى)
أنا باشوف المنظر ده كتير فى الأماكن العامه
تبقى اللى خارجه من الحمام
مافيش حاجه موش عاملها فى نفسها
آخر شياكه وأدخل الاقيها مهانش
عليها تنشف والقاعده
علشان هى فى بيتها ماتعوديتش
على كده
أوعى تملى ولا تزهقى



تفتكرة بعد مانعمل كل ده هاتحتاجى
ليلة رمضان وليلة العيد
ولما يكون عندك عزومه
ولما يجى ضيف فجأة ويدخل الحمام هاتتكسفى مأظنش .
أجعلى من حمامك غرفه أساسيه
فى البيت نظافه ورائحه عطره
طوال اليوم بأقل القليل من المجهود.






وأراكم فى ركن آخر من أركان البيت





متنسوش تدعوا لصاحبة الموضوع الي انا اخدته منها






وبقيت الاجزاء هكملها ليكي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: الركن التاني    الخميس يوليو 01, 2010 10:32 am

الركن الثاني




المـــــــــــــــطــــــــــــبــــــــخ


وده بنفس درجة الأهميه بتاعة الحمام.
و ياريت مايكونش فى اليوم ده عندك أى حاجه تانيه تعمليها فى البيت. اتفرغي للمطبخ
ويكون عندك اكل يعنى نظافه بس.





أمسكي المطبخ سيراميك وخشب وشبابيك نظفيه
من فوق لتحت يبقى زى الفل ...
ريحي كام يوم كده موش كتير
وركيز على الضلف والادراج درج درج وضلفه ضلفه
فضي اللى فيها واللى محتاجه خليه والعكس على الزباله على طول من غير ماتفكرى.



تراجعى الحلل والاوانى فيه حاجات والله استعمالها بيجيب أضرار لا حصر لها بعد الشر
بدل ماتصرفى فلوس على الدكاتره والأدويه من غير لازمه
وأنتى موش عارفه ان الطبخه الفلانيه الشهيه
اللى اكلوا صوابعهم وراها عادت لاقدر الله بمشاكل الله الغنى عنها
كل ده بسبب الاوانى التى لاتصلح للأستخدام الآدمى



مثلا
الحلل الألومنيوم.........
الأوانى التيفال
بعد ان اتقشرت.........
الحله الى بنقلى فيها البطاطس
أنا موش عارفه ليه ستات كتيير متخيله ان الحله دى موش لازم
تكون نظيفه يعنى تلاقى الحله
زاد وزنها عن اليوم اللى اشتريتيها فيه
أربع مرات من كتر الدهون المحروقه اللى لازقه فيها
موش عارفه ان الابخره واعادة
نزول هذا المواد مع الزيت والحراره بيسبب أمراض والعياذ بالله.
وبعدين علشان خاطر اسرتك
اللى امانه فى رقبتك ياريت الزيت كفايه عليه حرق ويتغير
انا بأقولها وأنا مكسوفه بالكتير
أوى تلات مرات.
خلصتى ورصيتة الحاجه مكانها
بعد تهوية الضلف وفرشتى ورق جميل فى الرف .





حذذذذذذذذذذذذذذارى
ثم حذارى
من انك تضعى اى مواعين
فى الضلف بدون تنشيف .
لأن الأماكن الرتبه
هى بيئة مناسبه أوى للحشرات
كفانا وأياكم شرها.
عايزه أقول حاجه بمناسبة
الصراصير
قرأت فى منتديات كتير ومنها منتدانا ان فيه ستات
بتصرخ وتقول الصرصار كيف أتخلص منه موش فاهمه
أن وجود الصرصار يساوى عدم نظافه .
بلاش نسيب مواعين فى الحوض بالليل وأنام
بلاش كل واحد فى ايده سندوتش يفضل رايح جاى بيه فى البيت
فى مكان للآكل زى ماأقلت
موش بنتكلم عن السفره
والا غيره ياستى لو مافيش مكان معين وعندى أطفال
أفرش ملاية نظبفه ونقعد نأكل عليها وبعدين تتشال تتنفض
بس بلاش فوق غسيل الجيران .علشان دى سلوكيات
بيئئئئئئئئئئئئئة أوووووووووى .




خلصتى خدى راحه يومين كمان أوعى تكونى بتأخدى راحه
خاللى بالك انتى أصلا كل يوم
فى ثوابت بتتعمل .
أكيد عارفها احنا موش هانتكلم عليها دلوقتى .
خاتى راحه تعالى نكمل
الثلاجه والفريزر
ان وجد ده برضه مره فى الشهر.
على فكرة هاأقولك على فكرة حلوة حتى لنفسك
هذا الجدول فى مفكرة مع بداية
كل شهر وكل اللى تنفذيه أشطبى عليه.
نرجع مرجوعنا البوتاجاز
ده حوار تانى خالص
لازم يكون دايما زى القشطه



تعالى للبرنامج اليومى بيتاع المطبخ اللى هو زى برنامج الحمام كل يوم الصبح
أعانك الله بعد ماطيور البيت المغرده تروم لحالها
هاتوقفى تشطبى المواعين وتخرجى حاجة الغداء من الفريز
وتكونى فى هذا الاثناء فطرتى
واخدتى الشاى بتاعك وعملتى دماغ .
توقفى بعون الله تخلص الغداء وماتنسيش وانتى واقفه
كل ماحاجه تتوسخ اغسلها أول بأول.
طفيت على الأكل أنظف البوتاجا.
وهأقولك على حاجه جميله أوى شويى ديتول مركزيين ملء الغطاا
وأوزعهم على البوتاجاز وأمسح بفوطه صغيره
هاتلاقيه زى البنور وريحته حلوى ولاأجدعها صرصار
يقدر يهوب تاحيته .




فى حاجه فوط المطبخ
بلاش الحاجات الغريبه الللا احنا بنستخدمها
وبتبقى ريحتها وحشه علشان احنا بنتعامل معها
على انها فوطة مطبخ وبتكون مليانه بكتيريا
وحات موش حلوه المفروض فوط مخصصه
وماخليهاش من (سورى) الوساخه
توصل لمرحلة الرمى أحسن
لأ كل يوم ألم الفوط بتاعة المطبخ وشوية مسحوق ومايه دافيه
واغسلهم
بلاش ياستى لو ربنا كرمك شويه وعندك كم كل كام يوم جمعيهم
وفى الغساله يبقوا زى الفل.



خلصتى البوتاجاز شويه كلور صغننين وشويه ديتول صغننين وشويى ميه موش صغننين
على البلاط وتجيبى فوطه البلاط النظييييييييييييفه
دايما تحوطيها على الممسحه وتنشفى الارض .
وكلمينى على أحساسك بالراحه والانتعاش وهو مطبخ بالنظافه دى.


*************************************************************************

تتبعي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    الخميس يوليو 01, 2010 10:35 am



اظن ريحنا بما فيه الكفايه يلا بلاش كسل
بصى ياستى باقى الشقه بنفس أهمية الحمام والمطبخ.
بدل ماتقسمى الشقه حجرات وتقولى الى باعمله النهارده
بيرجع يتوسخ أو يتبهدل.
ده لو اتعمل مظبوط موش هاتقولى كده.
اللى بيرجع تانى ده الشغل اليومى
ولازم تقتنعى
ان كل حاجه فى الدنيا محتاجه متابعه علشان تفضل حلوة.
فى نظافه بعمق وبضمير شويه ومره على مره
هاتلاقى الموضوع سهل.





المهههههههههههههههههم.
قسمى الشقه بنود وليست حجرات وياريت يكون ده مكتوب فى ورقه.
بند السقف والحوائط
تنظف من عتكبوت ان وجد
والحوائط مش لازم ابهدل الدنيا
يعنى كفايه بسفنجه بشوية مسحوق
وأمر على الأماكن المعرضه للأتساخ



يعنى اذا كان عندنا أطفال فالحوائط المعرضه للاتساخ فقط.
الأماكن الى حوالين مفاتيح الكهربا بس خاللى بالك.
وأنشف بعد كدة بفوطة معصوره أوى. انا موش عاوزه أثقل عليكى اكتر من كده
علشان زى مااتفقنا انتى عندك حاجات كتير يوميه جنب الكلام ده .







يوم تانى لفى على شبابيك البيت كله
وياريت ياجماعه
مانهملش موضوع الشبابيك دى انا باستغرب
ازاى ممكن اشوف شباك وسخ وتبقى الشقه من جوه نظيفة
ازاااااااااى
انا موش عارفه المهم ماعلينا
اذا أمكن تكى الشباك وتغسليه فى الحمام يبقى جميل
وأهم حاجه يتنشف كويس علشان الخشب
مايبوظش ومع السبابيك بالمره أبواب الأود تتصبن وتتنشف كويس أوى
وخصوص عند المقابض والحلوق
من فوق .
أنا علشان أختبر نفسى من وقت للتانى
أشب كده علشان انا موش طويله وأشوف حلق الباب من فوق
فيه تراب والا لأ.
أنا عايزه أأكد على حاجه كل اللى
انا باتكلم فيه ده انتى بتوزعيه على مدار الشهر
علشان ماتتعبيش






تعالى نشوف الستاير حوطى لنفسك سيستم فى موضوع الستاير ده
عايزه تعملى كل موسم صيف أو شتاء .
عايزه تعمليه على الأعياد. الوقت الى يناسبك
المهم
زى ماقلت مايجيش أى موسم علينا وأحنا مخلعين علشان سيبنا كل اللى المفروض نعمله كل شهر
ركزناها فى وقت واحد .حرام علينا نفسنا
اللى بيكون العيد عنده كركبه وميه وصابون
وست بعد ده كله متكومه من كتر التعب.





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    الخميس يوليو 01, 2010 10:38 am

أولا




لازم الأولاد يتعودوا على مكان واحد للأكل
ماينفعش الأوضه اللى بنام فيها ونأكل فيها أو فى الصالون .
زى ماقلت قبل كده ملايه نظيفه وافرشيها على الأرض
حتى لو انتى واقفه فى المطبخ يبقوا جنبك
وهما بياكلوا وبعدين تشيلى الملا يه تنظفيها.
لزم تعوديهم على النظام والنظافه
لانه من شب على شىء شاب عليه . أما بالنسبه لدولابك.
كنور موضوع الدولاب ده هاتكلم عنه لاحقا ان شاء الله.
شوفى ياستى بشوية تنظيم للوقت زى ماأتفقنا أصبح عندنا الآتى
:- مطبخ وحمام زى الفل على طول .
سقف البيت والحوائط على طول نظيفه .
شبابيك الله عليها اللى يشوفها يقول الجواب يبان من عنوانه.
أبواب ولا بعد كده بتلمع من النظافه.....
تعالوا نشوف الباقى السجاجيد
لازم تكون زى الفل ولو ماكانش
كده بتكون بيئه مناسبه لامراض كتيير
والعياذ بالله وخصوصا أمراض الصدر .
والموضوع برضه والله سهل جدا .
لازم مهما كانت الأسباب تشفطى السجاده بالمكنسه الكهربائيه
واظن مافيش بيت مافيهوش مكنسه
بلاش علشان خاطرى المقشه
لانها بتنطر التراب فى كل حته وخصوصا رئتيك
عافاك الله كفايه المجهود والتعب نضر نفسنا
كمان شفطى ياستى لو كل يوم وماتكسليش
تطلعى المكنسه علشان ستات كتير بتكون حطاها فى مكان
تستسهل بدل ماتطلعها تكنس بالمقشه
. انا بأقول كل يوم للى عندها أطفال.
لكن ممكن يوم المكنسه اليوم
اللى بعده شوية ديتول وشويه ميه وبفرشاه البلاط
وانطرها من الميه اللى فيها
وكأنى بأغسل السجاده وأتفضلى شوفى النظافه والريحه والرونق
بتاع السجاده والا أجدعها لاندرى.
ومايمنعش على مدار اليوم
لو حد وقع حاجه التقطها بالفرشاه والجاروف.
أنا عاوزه أأكد على حاجه مههههههههههههمه
وانتى بتشترى مواد التنظيف بلاش تبخلى على نفسك
بجوانتى محترم تلبسيه فى ايدك
قبلها طبعا تدهنى ايدك بأى حاجه
انا عايزة اسهلها عليكى
ان شاء الله شوية زيت أكل
انا باتكلم بجد .
ايدك اللى احنا بنستخدمها فى المشاق كلها
من حقك على نفسك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A H M E D



عدد المساهمات: 980
تاريخ التسجيل: 10/06/2010
العمر: 21
الموقع: المنياااااااااااااااااااااا

مُساهمةموضوع: رد: ازاي بيتك يبقى نظيف من غير تعب    الخميس يوليو 01, 2010 10:41 am

ههههههههههه كل ده من غير تعب دى الست ماتت منك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
el hop kolo



عدد المساهمات: 687
تاريخ التسجيل: 10/06/2010

مُساهمةموضوع: رد: ازاي بيتك يبقى نظيف من غير تعب    الجمعة يوليو 02, 2010 7:19 pm

ههههههههههههههههه ميرسى يا اسراء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 4:31 am

العفو يا قمر

يااستاذ احمد الكلام للبنات النشيطة مش لحضرتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 4:45 am

اظن كدة ريحتكوا يوم وشوية نكمل بقى

بأتمنى انى ماأشوفش المنظر ده مراتب وسجاجيد
على سور البلكون وبالمنفضه وهات يارزع.
الخاسر الوحيد وبدون مكاسب هو انتى .
قولتيلى ليه ؟
أقولك ياستى ....




أولا:- ايدك ودراعك بعد الشر عليكى هايتخلعوا.
والتراب اللى حضرتك عامله تتطلعيه من السجاجيد والمراتب
وبأخص بالذكر المراتب
علشان احنا اتكلمنا على موضوع السجاجيد وحلينا المشكله.
التراب ده كل اللى بتعمليه انك بتعيدى توزيعه مره أخرى
وأنتى من نصيبك الحظ الأكبر
وطبعا على الرئه والجهاز التنفسى جارى
طيب ليه وأنا عندى الحل .
المكنسه الكهربائيه اغسلى الكيس كويس أوى
قبلها بيوم هاتلاقى قوة الشفط ماشاء الله .
تمشى بيها على المرتبه فى جميع الاتجاهات
طول وعرض وورب
لغايه لما تحسى ان المكنسه طالت كل سم .
وبعدين ربنا يعينك
وأقلبيها على الوش التانى وأبقى قوليليى
على اللى طلع منها.
الحكايه دى لو عملتيها كل شهر شهرين علشان احنا أثناء النوم
فى شعر وجلد من أجسامنا
وومكن أظافر كل ده بيكون
فى الفرش بيكون حشرات غير مرأيه
من التراب كمان بيسبب نوع من الحساسيه
وأحيانا والعياذ بالله ربو.
وعلى فكره ممكن تعملى المخدات كما لو قطن .
أنا المخدات عندى من هابيتات فمعنديش مشكله
بأغسلها كلى فتره بالماء الساخن والمسحوق وأشطفها بالديتول طبعا مخفف.
أما المفروشات ياريت كلما أمكن تتغسل كل فتره.
أنا عايزاكو تحكموا قبل ماأكمل ممكن بعد الأسلوب ده
المرتب والمنظم
أستنى رمضان على أقلب البيت رأسا على عقب.






تعالوا نكمل .
قبل الكلام مايخدنا واللى تعبنا فيه يرجع يتبهدل تانى......
أكيد وأحنا بنشفط المرتبه ونقلبها الناحيه التانيه
لاحظنا ان فيه حاجات تحت السرير مايمنعش نظرا لعدم وجود أماكن تخزين كفايه .
بس عايزه أقول حاجه موش علشان اسمها تخزين تبقى شكلها
موش عاطفى
لأ أحنا زى ماقولنا ممكن نعمل من الفسيخ شربات
. ازاى ؟
أقولك أهم حاجههههههه
أتعامل مع كل سم فى البيت كأنه مكان ظاهر
على طول قدام عينى يعنى تحت السراير
لازم كل فتره أشيل الحاجت كلها وأمسح برضه يالديتول
وأسيبها شوية تتهوى وبعدين أرجع الحاجه تانى
بس ياشطوره لو فيها تراب طبعا أنظفها


ولو موش منسقه ومترتبه وأكون عارفه ايه اللى محتاجه بالظبط
موش كركبه على الفاضى.
وياحبذا لو فرشتى مثلا على الأرض ملاية قديمه
ونظيفه طبعا وأحط الحاجات عليها على أعتبار
ان هذا الاشياء مثلا أغطية الشتاء
كل لحاف أو بطانيه فى الكوفر
بتاعه اللى جاى بيه
ويترصوا بطريقه مرتبه علشان المكان
يكفى وفوق كل ده ملايه أخرى.
على فكره دون أن ندرى لو تحت السرير
فيه كراكيب حتى لو موش شايفه بتكون موجوده
فى عقلك الباطن وممكن تصابى بالأرق والصداع أو التوتر
اللى ساعات مابيكونش عندنا سبب ظاهر له.
أنا باديلك أمثله وأفكار فقط وانتى عليكى تتطوعى ده يما يناسبك.
الدواليب وماأدرااااااااااااااااااااك ما الدواليب
عند بداية كل موسم صيفى أو شتوى خاليكى واقعيه مع نفسك
الحاجات اللى انتى متأكده انك موش هاتستعملها
انتى أو أولادك غيرك أولا بيها ..


الأستفاده مضاعفه روقتى مكان وشعرتى براحه نفسيه
وموش هاأكلمك عن الراحه النفسيه الأخرى اللى هاتحسى بيها
لما الحاجات دى تروح لناس هم فى أشد الحاجه اليها وماأكثرها.
وبلاش البواب والشغالين.
الجمعيات الخيريه أفضل
.يعنى ربة المنزل غير الموظفه.
اللى أولادها كبار وبيعرفوا يتحملوا مسئولية نفسه
واللى لسه أولادها صغيرين ومرتبطة بميعاد نوم أو أكل.
اللى جوزها بيرجع بدرى من الشغل أو العكس .
يعنى بمعنى أصح أنا بأحط الخطوط العريضه
وكل واحده توفقها بما يتناسب معها. بصى
أنا عن نفسى حاطه بلوك نوت على الكومود بتاعى
وآجى مثلا ايام زى اللى احنا فيها دلوقتى
داخل فيها مصيف وداخل فيها رمضان وان شاء الله العيد
وبعده المدارس أعمل خطه بعيدة المدى وابتدى اكتب.
أنا هاسافر المصيف أجهز أكل المصيف كله بالايام انا باعمل قائمة فطار وغداء وعشاء حتى لو فيه يون هانتغدى بره.
وأجهز الوجبات على التسويه .
بعد كده أنا عايزه أجهز شنط المصيف والمايوهات للآولاد ولبس البيتش
المفروض طبعا الحاجا ت الخاصه بالمصايف
متشاله بطريقه معينه انتهز هذه الفرصه
وأروق الدواليب وأشوف اللازم واللى أنا موش محتاجه
يبقى أنا ضربت عصفورين بحجر. ممكن مثلا
قبل السفر بيومين ألم السجاجيد
لو فيه حاجه تتغسل او أشفطها زى ماقلت وأشيلها وأخلى البلاط كده
ولما أرجع ان شاء الله
تانى يوم أمسح الشقه كلها وأفرش السجاجيد .

وبعدين
السراير
طبعا ممكن تعملى موضوع المراتب وتشفطيها
ويوم السفر برضه تكونى فرشه السرير بملاْات نظيفه
وتحطى على كل سرير ملايه أخرى على السرير كله
وتغطى المخده كمان وأول ماتوصلى بألف سلامه شيلى الملايه
اللى على الوش ونامى لانك هتكونى راجعه من السفر مرهقه
وفى نفس الوقت موش هاينفع تنامى على تراب
علشان أقفله الشقه أسبوع او عشرة أيام.
يعنى الخلاصه انتى بتوفقى أوضاعك بما يتناسب معاكىانتى عارفه فيه ناس كتير
بتعتبر باب الشقه ده خارج حساباتها ده بره هى مالها
وماله زيه زى الشبابيك هى مابتشوفهاش.
طب انتى عارفه اللى بنفس درجة الشقه الدواسه اللى قدام الشقه
فيه ناس بتعتبرها علشان ننظف فيها الأحذيه ازاى تتنضف.
المفروض أقلبها وأدوس عليها
برجليا لغاية لما التراب الناعم كله ينزل
وبالمكنسه وأشفط .اوعىىىىىىىىىى
من الكنس بالمقشه التراب ده
هايطلع على الرئتين دوغره .


وبعد ماأشفط بشوية ديتول فنيك
اى حاجه ان شاء ميه بصابون
وأمسح قدام الشقه فيه ستات كتير أوى جميله
عندها فى العماره بواب خى بتحس ان المنطقه دى تخص البوا ب
لآ ثم لأ..
دى جزء من مملكتك.
انتى عارفه انا كل فتره اخرج بره الشقه
وأغسل باب الأسانسير اللى فى الدور بتاعى من بره ومن جوه وألمع المرايا.





لكن فعلا لو كل يوم عملتى حاجه تكون أساسيه
يعنى مثلا هاتى الشغل من بره بمعنى النهارده
تغسلى الشبابيك كويس وتنشفيها وباب الشقه والدواسه.
وباقى اليوم الشغل العادى حتى وانتى بالكسل بتاعك .
بمعنى الشغل العادى اللى هو الأكل
واذا كان فيه غسيل
يوضع فى الغساله أو غسيل
على الحبل يتلم بسرعه طالما نشف
بلاش المنظر الغريب
بتاع ستات كتيير .
ساعات أنشر وألم والله موش مبالغه أكثر من خمس مرات
وألاقى الست من دول فس الغسيل على الحبل زى ماهو
يكون عايز يتغسل تانى.
هو الموضوع موش كسل
بصراحه بيبدأ استهتار
ويتحول لأحباط نتيجة انك موش عارفه تبدأى منين.


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 4:47 am

[size=24]وبعدين اليوم الى بعده لمى الستاير كلها
أغسليها برضه مع الشغل الأساسى وماتنسيش علشان خاطرى
من ضمن الشغل الأساسى الحمام والمطبخ .
أنتى عارفه ان الحاله الوحيده اللى يكون باب الحمام مقفول
لما يكون حد مننا فيه.
غير كده هو زيه زى أى غرفه
فى البيت من نظافته وريحته العطره على طول .
اوعى تتضحكى عليا أنا كنت بأفرش فى الحمام سجااااااااااااااااده.
ايوه سجاده وعارفه شيلتها ليه علشان لاقيت
ان من شكلها الحلو فى ناس تانيه اولى بيها.
وبقيت أضع الفوط المخصصه للحمام بيضااااااااااااااااااااء.
من الآخر انتى موش كسلانه
انتى محبطه. ابدأى وخالى توكلك على الله وهو يقويكى.
سبحى الله33 مره والحمد لله 33مره والله أكبر 34مره قبل النوم .
وانتى ان شاء الله يكون عنك نشاط موش فى عشرستات
. والله المستعان.


قريبا باقي اركان البيت





تعالوا أحكيلكوا
أنا عملت ايه
كانت الشقه الحمد لله نظيفه.
دخلت على المطبخ وجبت جردل ميه وعليه شوية مسحوق وشوية كلور
وعملت ماسك ولبست جوانتى.
وجردل تانى فيه ميه بس وجبت السلم
وبحذر شديد بفوطة فى الجردل الأول
وعصرتها نص ولمعت السيراميك كله من فوق لتحت
والمنطقة اللى اخلصها قبل ماأسيبها بالفوطه الاخرى ميه بس
واعصرها كويس أوى وأنشف. شوفى أنا بأعمل الشغلانه دة كتييير

موش عايزه أقولك الميه بأه شكلها ايه.
خالى بالك . بعد ماتخلصى السيراميك تغيرى الميه الى في الجردلين
وتكررى
نفس السيناريو فى المطبخ نفسه كدواليب .
أنا بأعتبر دواليب المطبخ زى دولاب حجرة النوم بالظبط.
يعنى ايهههههههه؟
يعنى ياستى زى الفل ولاحتة سمنه ملزقه هنا ولانقطه صلصه مطرطشه هنا.
ولا ريحة أكل .بس خلاص.
أشوفكم على خير.[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 4:51 am

طبعا مش انا الي عملت كدة دي الي مديالي الموضوع ده انا فاشلة

هههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A H M E D



عدد المساهمات: 980
تاريخ التسجيل: 10/06/2010
العمر: 21
الموقع: المنياااااااااااااااااااااا

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 6:41 am

هههههههه انتى هتقوليلى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 8:09 am

الله يسامحك يا بعيد يارزل يارخم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no2tet de3f



عدد المساهمات: 934
تاريخ التسجيل: 10/06/2010
العمر: 18
الموقع: المنصورة

مُساهمةموضوع: رد: ازاي بيتك يبقى نظيف من غير تعب    السبت يوليو 03, 2010 8:12 am

وبعدين نفسي افهم حضرت متنيل هنا في قسم البنات ليه خير ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

ازاي بيتك يبقى نظيف من غير تعب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى كلام  ::  :: -